CD. 2010. Artista batzuk
Portugaleteko musikari ezberdinek grabatu zuten Haitiren aldeko diska hau. Akatsez, Joseba Gotzonek “Larrosa hori” abestiarekin parte hartu zuen, aukeratutako “Malura”-ren ordez.
Larrosa hori
Beti puntilletan ibiltzen naiz
ez molestatzeko sekulan
ez nuke nahi zu galdu bistatik
ea eskapatzen zaren gauean.
Malenkoniaz blai blai blai blai
bazterrean ibiltzen naiz
zure irria nire konpainia
bakardadea nire grazia.
Geroari desafiatzen diot
mugak zeharkatzen ditut
egunsentiaren pribilegioa naiz
ilundu arte amets egiten dut.
Negarrez ikusten banauzu
bizirik sentitzen naizelako da
abesti honek sorginduko balu
zuretzat da, hala fedea.
Salalalalala non dago larrosa hori
Salalalalala zure usainik gabe
itsasora noa, ene musa zaharra
amets egiteko zurekin.
Beti maitasuna aitxakia izan da
ez mintzatzeko gerraz ta esturaz
pena honek mintzen dizkit ene zainak
ez nuke nahi galdu nire poza.
Zure irribarrearen bila noa
gauez eta goizez distiratzen duena
bizitza triunfatzeko bada
hemen nauzu borrokatzeko gertua.
—
Malura
Ez dakit non jaio itsasoa
baina uhinek dakarte pakea
ez dakit non hasi bizitza
ez dakit non amaitu malura.
Kantu horri hitzen bila nabil
etengabeko mina amatzen delarik
ta ez badut sortzen poemarik
ene penak bai kontsolaturik.
Inoiz ez dut gerrarik onartuko
legezko inbazioak askoz gutxiago
hainbesteko inozentzia, zertarako?
amets egiteko goizero!.
Hilak, odola
Malkoak, sufrimendua
Gosea, hilketa
Lurra, pobrezia
Botereak, errudunak
Bankuak, aberatsak
Dirua, pobrezia.